I lodhur për një çast e i zhgënjyer,
Prej këngëve, prej ndjenjave të mia,
Në zemrën time thashë po shkoj të mbyllem,
Larg prej teje, larg nga dashuria!
Hapa shumë e mbylla shumë dyer,
Një nga një pas vetes me kujdes.
Nga kujtimi yt, i mallëngjyer,
Një duhan i vetëm thashë të ndez.
Krisi lehtë një portëz e harruar!
Zemra ime dritë u mbush ngado!
Ishe ti! Prush mbaje në duar,
Ndize the, e kot mos u trishto!