Houllier pritet ‘keq’ në Anfield

Liverpooli nuk e ka pritur në mënyrën më të mirë ish-menaxherin Gerard Houllier, pasi mposhti Aston Villan e tij me rezultat të lartë prej 3-0.
Liverpooli ishte i përkryer në këtë takim dhe shfaqi atë imazhin dhe shpirtin e asaj skuadre të vjetër, që dikur luftonte në të gjitha frontet.

The Reds zhbllokuan rezultatin në minutën e 14-të me anë të David N’Gog. Epërsia u dyfishua vetëm dy minuta më vonë (16’), kur Ryan Babel zgjoi në këmbë 40 mijë tifozë të kuqë të mbledhur në Anfieldin legjendar.

Në pjesën e dytë thjesht u vendos epilogu përfundimtar me anë të Maxi Rodriguez, i cili u ndihmua nga David N’Gog.

Liverpooli pas javës së 16-të e sheh veten në pozitën e tetë me 22 pikë, shtatë pikë larg Manchester Cityt në pozitën e katërt.